پاک بحریہ کی جانب سے یومِ آزادی کے موقع پر مختلف سرگرمیوں کا انعقاد  کیا گیا۔

ترجمان پاک بحریہ کے مطابق  پاک بحریہ کے زیرِ انتظام مساجد میں ملکی ترقی،استحکام اور سلامتی کے لیے خصوصی دعائیہ تقاریب کا اہتمام کیا گیا اورپاک بحریہ کے مختلف یونٹس میں پرچم کشائی کی تقا ریب منعقد کی گئیں ۔

یوم آزادی کی مناسبت سے پاک بحریہ کی جانب سے گھارو میں شجر کاری مہم کا اہتمام بھی کیا گیا۔کمانڈر کوسٹ وائس ایڈمرل فیصل رسول لودھی شجر کاری تقریب کے مہمان خصوصی تھے۔

جشنِ آزادی پر پاک بحریہ کے زیرِ اہتمام گوادر اور کریکس ایریا میں بوٹ ریلیوں کا انعقادکیا گیا ۔ بوٹ ریلیوں میں مقامی افراد اور  ماہی گیروں نے جوش وخروش سے شرکت کی۔