سرکاری ملازمین پر بڑی پابندی عائد کر دی تے ہوئے  کسی بھی قسم کے نجی کاروبار،ٹریڈ اورکنسلٹینسی امور سے روک دیا گیا ہے۔

ذرائع کے مطابق سرکاری ملازمین کونجی کاروبار،ٹریڈ اورکنسلٹینسی امور سے روک دیا گیا ہے۔اس ضمن میں  اسٹیبلشمنٹ ڈویژن نے باضابطہ ہدایات جاری کردی ہیں۔ خلاف ورزی پر سول سرونٹس رولز کے تحت کارروائی ہوگی۔

اسٹیبلشمنٹ ڈویژن کی جانب سے کہا گیا ہے کہ حکومتی قواعد وضوابط پرعملدرآمد یقینی بنایا جائے۔

ذرائع کا کہنا تھا کہ سرکاری ملازمین کے ذاتی و نجی کاروباری معاملات کا عمل مس کنڈکٹ کے مترادف ہوگا۔سرکاری ملازمین کو نجی کاروبار و ملازمت یا کنسلٹینسی خدمات کے لیے پیشگی اجازت لینا ہوگی۔

حکم نامے میں کہا گیا کہ وفاقی حکومت کے نوٹس میں آیا ہے کئی سرکاری ملازمین کے کیسز میں قواعد و ضوابط پر عمل نہیں ہو رہا۔ کئی سرکاری ملازمین و افسران کے قواعد و ضوابط کو نظر انداز کرنے کے کیسز کی تحقیقات کر رہے ہیں۔