کراچی میں بارش کے بعد کے الیکٹرک کے 1000 فیڈرز ٹرپ کرگئے۔

تفصیلات کے مطابق شہر قائد میں موسلادھار بارش کے بعد کے الیکٹرک کے 1000 فیڈرز ٹرپ کرگئے ہیں جس کے باعث  شہر کا بہت بڑا حصہ بجلی سے محروم ہوگیا ہے۔

لانڈھی ،ملیر ،شاہ فیصل کالونی ،نارتھ کراچی ،لیاقت آباد ،قیوم آباد ،سوسائٹی ، احسن آباد ،گلشن معمار ،بلدیہ سائٹ ،اورنگی ٹاؤن ، رنچھوڑ لائن ،عثمان آباد  سمیت متعدد علاقے بجلی سے محروم ہیں۔

اس کے علاوہ پی آئی بی کالونی میں بھی گزشتہ 4 گھنٹوں سے بجلی بند ہے۔

ترجمان کے الیکٹرک کا کہنا ہے کہ  نشیبی علاقوں میں ازخود احتیاط کے طور پر بجلی بند کی گئی ہے۔