طوفانی بارشوں نے بلوچستان میں تباہی مچادی ہے، مستونگ، خضدار، ہرنائی، نوشکی، لورا لائی، ڈھاڈر میں سیلابی ریلوں میں متعدد مویشی بہہ گئے ہیں۔

بارشوں سے کھڑی فصلوں کو نقصان پہنچا جبکہ قومی شاہراہوں پر جگہ جگہ آمدورفت معطل ہوگئی ہے جبکہ دو افراد برساتی پانی میں ڈوب کر جاں بحق ہوگئے ہیں جس کے بعد گہرے سمندر ، ندیوں اور ڈیموں کے قریب عوامی پکنک کے مقامات  کی بندش زیر غور آئے ہیں۔

اس ضمن میں وزیراعلیٰ بلوچستان جام کمال خان کی صدارت میں اعلیٰ سطحی اجلاس منعقد ہوا جس میں میدانی علاقوں میں امدادی کاروائیوں کے لئے  بوٹس حاصل کرنے  اور محکمہ آباشی کو ڈیموں اور ضلعی انتظامیہ کو واٹر چینلز کی  نگرانی کرنے کی ہدایت کردی۔

اجلاس کے دوران پی ڈی ایم اے کنٹرول روم اور کال سینٹر 24گھنٹے فعال رکھنے کا بھی فیصلہ کیا گیا ہے۔

وزیر اعلیٰ جام کمال کا کہنا تھا کہ حساس مقامات سے آبادیوں کو محفوظ مقامات پر منتقل کیا جائے