وزیر خارجہ شاہ محمود قریشی سے امریکہ اور انڈونیشیا کے  سبکدوش ہونے والے سفیروں کی الوداعی ملاقاتیں ہوئی ہیں۔

تفصیلات کے مطابق پاکستان میں اپنی مدت مکمل کرنے والے امریکی ناظم الامور پال جونز نے وزارتِ خارجہ میں وزیر خارجہ شاہ محمود قریشی سے الوداعی ملاقات کی ہیں۔

ملاقات میں وزیر خارجہ نے دوطرفہ تعلقات اور مختلف شعبوں میں دوطرفہ تعاون کے فروغ سمیت باہمی دلچسپی کے امور پر تبادلہ خیال کیا گیا ہے۔

وزیر خارجہ کی جانب سے پاک امریکہ تعلقات کو مزید مستحکم بنانے میں امریکی سفارتکار کی خدمات کو سراہا بھی گیا ہے۔

وزیر خارجہ شاہ محمود قریشی نے انڈونیشیا کے سبکدوش ہونے والے سفیر آئیون سویودری عًمری سے علیحدہ ملاقات کی ہے۔

ملاقات میں وزیر خارجہ شاہ محمود قریشی نے کہا کہ پاکستان، انڈونیشیا کے ساتھ تعلقات کو انتہائی قدر کی نگاہ سے دیکھتا ہے۔

وزیر خارجہ نے برادر ممالک کے مابین دوطرفہ تعلقات میں بہتری لانے کے لئے، سبکدوش ہونے والے سفیر کی کاوشوں کو سراہا،وزیر خارجہ نے دفاع، تجارت سمیت مختلف شعبوں میں دو طرفہ تعاون  کو مزیدفروغ دینے کی ضرورت پر زور دیا ہے اور مقبوضہ جموں و کشمیر پر سلامتی کونسل میں ہونے والے مباحثے میں مثبت کردار ادا کرنے پر انڈونیشیا کا شکریہ ادا کیا۔