معاون خصوصی شہباز گل نے کہا ہے کہ سابق وزیراعظم میاں نواز شریف لندن جانے کے بعد بہت زیادہ صحت مند ہوگئے ہیں۔

تفصیلات کے مطابق آج معاون خصوصی شہباز گل نے کہا ہے کہ نوازشریف اپنی رپورٹس میں جعل سازی کر کے اور ڈاکٹرز کو دھوکا  دے کر لندن فرار ہوئے ہیں۔

انہوں نے کہا ہے کہ ای ڈی ٹی اے کیمیکل کے استعمال کو اوپر نیچے کردیا جائے تو پلیٹ لیٹس گر جاتے ہیں اور اس طرح کی رپورٹس کسی بھی ڈاکٹر کو رپورٹ دکھائی جائے تو ڈاکٹر وہی دیکھے گا جو رپورٹ میں ہوگا۔

مزید پڑھیں

سونامی کے شکار ملک ٹونگا کی عالمی برادری سے فوری مدد کی اپیل

بحر الکاہل میں چند روز قبل سونامی کا سامنا کرنے والے ملک...

حکومت کا نوازشریف کی واپسی کے لیے تمام قانونی طریقے اختیار کرنے کا اعلان

حکومت کی جانب سے میاں نواز شریف کی لندن سے واپسی کے...

قبل ازیں معاون خصوصی برائے احتساب شہزاد اکبر نے آج پریس کانفرنس کرتے ہوئے بتایا ہے کہ حکومت نے میاں نواز شریف کی لندن سے واپسی کے لیے تمام قانونی طریقے اختیار کرنے کا اعلان کردیا ہے۔

شہزاد اکبر کا کہنا ہے کہ نواز شریف پاکستان کی عدالتوں سے سزا یافتہ مجرم ہیں اور اب تک لندن میں ان کے علاج کا کوئی ایک ثبوت پیش نہیں کیا گیا ہے بلکہ نواز شریف لندن کی سڑکوں پر چہل قدمی کررہے ہیں۔

مزید پڑھیں

نواز شریف کی واپسی کے لیے برطانوی حکومت سے رابطہ درست فیصلہ ہے

وفاقی وزیر سائنس و ٹیکنالوجی فواد چوہدری نے سابق وزیراعظم نواز شریف...

معاون خصوصی کا کہنا تھا کہ بیماری کے نام پر نواز شریف کا یہ مذاق برداشت نہیں کیاجائےگا۔

انہوں نے کہا ہے کہ نواز شریف کی واپسی سے متعلق برطانوی حکومت کو خط لکھا گیا ہے کیونکہ نوازشریف خود لندن سے نہیں آئیں گے اور انہیں واپس لانے کے لیے تمام تر قانونی طریقے اختیار کئے جائیگے۔

شہزاد اکبر کا کہنا تھا کہ اپوزیشن این آر او کا پلس پلس پلس مانگ رہی ہے جبکہ منی لانڈرنگ جرائم کی ماں ہے مگر اپوزیشن کہتی ہے اسے سنگین جرم نہ کہا جائے۔

یاد رہے کہ اس سے قبل مائیکرو بلاگنگ ویب سائٹ ٹوئٹر پر جاری بیان میں فواد چوہدری نے کہا کہ ‏نواز شریف کی واپسی کے لیے برطانوی حکومت سے رابطہ درست فیصلہ ہے، نوازشریف کی میڈیکل رپورٹس کی انکوائری بھی درست فیصلہ ہے۔

نواز شریف کی واپسی کیلئے برطانوی حکومت سے رابطہ اور میڈیکل رپورٹس کی انکوائری درست فیصلے ہیں، تحریک انصاف کے بیانئے اور احتساب کے عمل کو نواز شریف کی لندن روانگی نے شدید دھچکہ دیا ، جعلی رپورٹس کی تیاری میں جن لوگوں کا کردار ہے ان کو نشان عبرت بنانا چاہئے

— Ch Fawad Hussain (@fawadchaudhry) August 22, 2020

وفاقی وزیرنے مزید کہا کہ نوازشریف کی لندن روانگی نے پی ٹی آئی بیانیے اوراحتساب کے عمل کو شدید دھچکا دیا۔

.فواد چوہدری کا مزید کہنا تھا کہ جعلی رپورٹس کی تیاری میں جن لوگوں کاکردارہے ان کو نشان عبرت بنانا چاہیے