عوامی مسائل اور شکایات کے حل میں کونسی وزارت سب آگے ہے؟ بہترین پرفارمنس دکھانے والی ٹاپ 10 وزارتیں کونسی؟ وزیراعظم ڈیلیوری یونٹ نے وفاقی وزارتوں کی رینکنگ جاری کر دی۔

جاری کردہ رینکنگ کے مطابق  وزارت ماحولیات 57 فیصد عوامی اطمینان جیت کر پہلے نمبر ہے۔ماحولیات سے متعلق حکومتی کوششوں کو عوامی سطح پر پذیرائی ملی ہے۔

وزارت کامرس 53 فیصد کارکردگی کے ساتھ دوسرے نمبر پر آ گئی ہے جبکہ  وزارت پارلیمانی امور بہتر کارکردگی کے ساتھ ٹاپ 3 میں شامل ہے۔

بابر اعوان نے تیسری مرتبہ وزارت کا حلف لے کر معاملات کو مزید بہتر بنایا ہے۔

اسد عمر کی وزارت منصوبہ بندی 51 فیصد ووٹس کے ساتھ چوتھے نمبر پر موجود ہے جبکہ  وزارت اطلاعات 50 فیصد ووٹوں کے ساتھ 5 ویں نمبر پر آ گئی ہے۔

وزارت انسداد منشیات کا 50 فیصد ووٹ کے ساتھ چھٹا نمبر اور   وزارت خارجہ 49 فیصد کارکردگی کے ساتھ 7 ویں نمبر پر جبکہ  وزارت بین الصوبائی رابطہ 49 فیصد کارکردگی کے ساتھ 8 ویں نمبر پر موجود ہے ۔

 وزارت اوورسیز عوامی اعتماد جیتنے میں کامیاب ہوکر ٹاپ 10 میں شامل ہوگئی۔ وزارت اوورسیز 47 فیصد بہتر کارکردگی سے 9 ویں نمبر پر  اور  وزارت نجکاری 46 فیصد کارکردگی کے ساتھ آخری پوزیشن پر موجود ہے۔