شہر قائد میں بجلی کی صورتحال مزید خراب ہو گئی تمام ترحکومتی اور کے الیکٹرک کے دعوے دھرے کے دھرے رہ گئے۔

تفصیلات کے مطابق کراچی کے مختلف علاقوں میں گزشتہ رات سے بجلی غائب ہوگئی، غیراعلانیہ لوڈشیڈنگ کے باعث شہریوں کا جینا محال ہوگیا ہے۔

گلشن اقبال بلاک 13 ڈی ون، بلاک 13 ڈی ٹو،گلستان جوہر، عزیز آباد میں بجلی غائب جبکہ گلشن اقبال کے کئی بلاک میں وولٹیج اور فیس کا بھی مسئلہ سامنے آرہا ہے جبکہ کل رات سے بجلی بند ہونے کے باعث گھروں میں پانی کی قلت بحی ہے۔

صارفین کا کہنا ہے کہ کے الیکٹرک کی ہڈ دھرمی فوری بند کی جائے ، متعدد بار کمپلین کے باوجود کوئی شنوائی نہیں کیکن پھر بھی بجلی بند کرکے عوام کی جان کے ساتھ کھیل رہے ہیں۔

کے الیکٹرک کے بن قاسم پاور پلانٹ میں خرابی، بجلی کی فراہمی معطل

واضح رہے کہ گرمی کی شدت کے باعث کراچی میں بجلی کی غیر اعلانیہ لوڈشیڈنگ سے شہری پہلے ہی اتنے پریشان ہیں کہ ان کی رات کی نیند بھی پرسکون نہیں ہے اور اس پر ستم یہ کہ لوڈ شیدنگ میں مزید اضافے کا اعلان کردیا گیا۔

گزشتہ روز بھی کراچی کے کئی علاقوں میں رات گئے بجلی کی فراہمی معطل رہی جب کہ شدید گرمی نے علاقہ مکینوں کی پریشانی میں مزید اضافہ کر دیا۔