وزیراعظم کے معاون خصوصی برائے احتساب شہزاد اکبر نے کہا ہے کہ گلی محلوں اور شاہراو‌ کو محفوظ کرنا ہمارا فرض ہے۔

تفصیلات کے مطابق وزیراعظم کے معاون خصوصی برائے احتساب شہزاد اکبر نے میڈیا سے گفتگو کرتے ہوئے کہا کہ میں آج یہاں سلام کرنے کے لئے آیا ہوں، بیسمنٹ کی پارکنگ ختم ہوئی ہے اور جلد اس کو ٹھیک کریں گے۔

 شہزاد اکبرنے کہا کہ لاہور میں ہونے والے کرائم کو کسی صورت قبول نہیں کر سکتے ہیں، اس ایشو پر ٹاسک دیا گیا ہے سی سی پی او کو خود مانیٹر کریں۔

وزیراعظم کے معاون خصوصی برائے احتساب شہزاد اکبر نے مزید کہا کہ لاہور میں دن دیہاڑے عورت سے زیادتی کے ذمہ داروں تک پہنچا جائے گا۔

اس موقع پر سی سی پی او نے کہا کہ آج بہت سے لوگوں نے رابطہ کیا اور اب تک تفصیل بتائیں، ہماری اس وقت چار لائینیں ہیں انویسٹی گیشن کر رہے ہیں۔

سی سی پی او کا کہنا تھا کہ یہ کیس بالکل حل ہو گا اس میں رولر اور اربن پولیسنگ کو شامل کیا ہے جبکہ فٹ ٹریسرز کو بلایا ہے۔

سی سی پی او کا یہ بھی کہنا تھا کہ جیو فینسنگ ہو چکی ہے اس کو بلایا، ملزمان کی ڈی این اے پروفائل کروایا ہے۔

مزید پڑھیں

موٹر وے پر خاتون سے زیادتی ، وزیراعلی پنجاب نے نوٹس لے لیا

وزیر اعلیٰ پنجاب نے لاہور میں دن دیہاڑے سڑک کے کنارے پر...

سی سی پی او کا مزید کہنا تھا کہ تین سے پانچ کلومیٹرریڈیس کے ایریا ہے جہاں یہ کرائم ہوا ہے، یہ خاتون جہاں کی بھی ہو اس غرض کوئی نہیں ہم نے انصاف دلوانا ہے۔

واضح رہےکہ لاہور کے علاقے گجر پورہ میں یہ اندوہناک واقعہ پیش آیا ، جس میں ایک عورت اپنے بچوں کے ہمراہ  گجرانوالہ سے لاہور جارہی تھی، راستے میں گاڑی کا پیٹرول ختم ہونے کی وجہ سے انہیں سڑک کنارے رکنا پڑا۔

اتنے میں ہی دو نامعلوم افراد آئےانہوں نے گاڑی کا شیشہ توڑ کر عورت اور ان کے بچوں کو باہر نکالا اور سڑک کے اطراف میں بنے کھیتوں میں گھسیٹ کر لے گئے ۔

نامعلوم افراد نے پہلے عورت سے نقدی،زیور ، موبائل فون اور اے ٹی ایم کارڈز چھینے اس کے بعد اس عورت کواجتماعی زیادتی کا نشانہ بنایا اور فرار ہوگئے۔