وزیر خارجہ شاہ محمود قریشی دو روزہ دورے پر روس پہنچ گئے۔

تفصیلات کے مطابق وزیر خارجہ شاہ محمود قریشی کے ماسکو پہنچنے پر ماسکو میں تعینات پاکستانی سفیر شفقت علی خان،وزارت خارجہ کے ایڈیشنل سیکرٹری ظہور احمد اور روسی وزارت خارجہ کے سینئر حکام نے وزیر خارجہ کا خیر مقدم کیا۔

وزیر خارجہ کل ماسکو میں منعقد ہونے والے شنگھائی تعاون تنظیم کی وزرائے خارجہ کونسل کے اجلاس میں شرکت کریں گے۔

مزید پڑھیں

روس سے طویل المدت تعلقات کے امکانات پیدا ہوگئے ہیں، وزیر خارجہ

وزیر خارجہ شاہ محمود قریشی نے کہا ہے کہ روس سے طویل...

وزیر خارجہ وزرائے خارجہ کونسل کے اجلاس کی سائیڈلائن پر اپنے روسی ہم  منصب سمیت مختلف ممالک کے وزرائے خارجہ سے ملاقاتیں کریں گے۔

ان ملاقاتوں میں دو طرفہ تعلقات سمیت اہم علاقائی و عالمی امور پر تبادلہ خیال کیا جائے گا۔

یاد رہے کہ  وزیر خارجہ شاہ محمود قریشی ،روسی ہم منصب سرگئی لاروف کی دعوت پر روس کا دورہ کر رہے ہیں۔