پاکستان ریلوے نے دوست لغاری کی جگہ نیا چیف ایگزیکٹو آفیسر تعینات کر دیا۔

تفصیلات کے مطابق پاکستان ریلوے نے دوست لغاری کی جگہ نثار میمن کو نیا چیف ایگزیکٹو آفیسر بنانے کے احکامات جاری کر دیے ہیں۔

نئے سی ای او نثار میمن کا کہنا ہے   کہ ٹرینوں کی حفاظت، آمدن میں اضافہ، اور اخراجات میں کمی ہدف ہوگا۔ٹرینوں کے کرایوں میں اضافہ نہیں کیا جائے گا اور ریلوے کو منافع بخش بنانے کے لیے ری اسٹرکچرنگ کی جائے گی۔

انہوں نے کہا کہ  محکمے میں میرٹ کو یقینی بنایا جائے گا اور   کرپشن پر زیرو ٹالرنس ہو گی۔

سی ای او پاکستان ریلوے نے کہا کہ  کسی ملازم کو نہیں نکالا جائے گااور  فارغ ملازمین کو کام والی جگہوں پر لگایا جائے گا۔

نثار میمن نے کہا کہ  ریلوے کی جگہ پر قبضہ کرنے والوں سے کوئی رعایت نہیں برتی جائے گی۔ ریلوے کا کمرشل شعبہ  اور نجی شعبے کو آؤٹ سورس کر دیا جائے گا۔