پاکستان مسلم لیگ (ن) کے صدر اور قائد حزب اختلاف شہبازشریف نے کہا ہے کہ نواز شریف کے مکمل علاج کے بغیر ان کی واپسی ممکن نہیں ہے۔

اپنے ایک بیان میں قائد خزب اختلاف نے کہا ہے کہ ہماری پارٹی کی جانب سے ہمیشہ عدلیہ کا بے حد احترام کیا گیا ہے لیکن نواز شریف کے مکمل علاج سے پہلے ان کی واپسی ممکن نہیں ہے۔

شہباز شریف نے کہا ہے کہ محمد نوازشریف کی بغیر علاج واپسی سے ان کی زندگی کوشدید خطرہ ہے اور زندہ رہنے کا حق سب سے اہم ہے، اسے نظرانداز نہیں کیا جاسکتا ہے

انہوں نے کہا ہے کہ مسئلہ واپسی نہیں ہے، نوازشریف کا علاج ہے۔

انہوں ن ےکہا ہے کہ بیرون ملک ڈاکٹرز کہہ چکے ہیں کہ موجودہ حالات میں نوازشریف کا سفر کرنا جان لیوا ہوسکتا ہے۔

شہباز شریف نے اپنے بیان میں کہا ہے کہ حکومت نے اعتراف کیا تھا کہ نوازشریف کا پاکستان میں علاج نہیں ہوسکتا ہے جس کے بعد سرکاری اور غیرسرکاری ڈاکٹرز کی تصدیق اورتجویز پر حکومت نے نوازشریف کو لندن بھیجا گیا تھا۔