صوبہ پنجاب میں خالی پستول کی مدد سے خاتون کی جانب سے چوری کی کوشش کو ناکام بنادیا گیا۔

تفصیلات کے مطابق سیالکوٹ میں خاتون کی جانب سے خالی پستول دکھا کر کی جانے والی چوری کو موقع پر ناکام بنا کر خاتون کو پولیس کے حوالے کردیا گیا ہے۔

پولیس کے مطابق خاتون کا تعلق کسی گینگ سے ہے یا اکیلی ہی وارداتوں میں ملوث ہے تفتیش کی جا رہی ہے۔

اس ضمن میں دکاندار کا موقف ہے کہ خاتون دکان میں داخل ہوئی اور حیلے بہانے سے زیورات دیھکتے ہوئے موقع کی مناسبت سے اپنے پرس سے پستول نکال کر دکاندار پر تان دی اور زیور لوٹنے میں مصروف ہوگئی۔

دکاندارنے موقع دیکھ کرخاتون سے پستول چھین کر خاتون کو پکڑ لیا، دکاندار نے جب پستول چیک کی تو اس میں گولیاں ہی نہیں تھیں۔

دکاندار نے پولیس کو اطلاع دی اورڈکیت خاتون کوان کے حوالے کردیا۔