پاکستان پیپلزپارٹی کے چیئرمین بلاول بھٹو زرداری اور وزیراعلی سندھ مراد علی شاہ کی جانب سے کراچی سپر ہائی وے پر وین حادثے پر افسوس کا اظہار کیا گیا ہے۔

کراچی سپر ہائی وے پر وین حادثے کے حوالے سے وزیر اعلیٰ سید مراد علی شاہ کی ہدایت پر ڈی سی جام شورو وین حادثے میں جاں بحق ہونے والے 13 افراد کی میتوں کے ساتھ عباسی شہید روانہ کردیا گیا ہے۔

مزید پڑھیں

سپر ہائی وے پر وین حادثے کا شکار

کراچی سپر ہائی وے پر مسافر وین حادثے کا شکار ہوئی ہے۔...

اس کے ساتھ ساتھ وزیر اعلیٰ کی جانب سے جن لاشوں کی شناخت مشکل ہے ان کے ڈی این اے کرانے کی ہدایت کردی گئی ہے۔

دوسری جانب وزیر ٹرانسپورٹ اویس قادر شاہ کا ٹریفک حادثے پر گہرے افسوس کا اظہار کرتے ہوئے حادثے کی رپورٹ طلب کرلی ہے اور ساتھ ہی جاں بحق افراد کے اہلخانہ سےدلی تعزیت کا اظہار بھی کیا ہے۔

اس ضمن میں اویس قادر شاہ  کا کہنا ہے کہ مسافر وین میں آتشزدگی کے اسباب اور حادثے کے حوالے سےتمام تفصیلا مانگی گئی ہیں اور کہا ہے کہ آتشزدگی واقعے کی مکمل تحقیقات کرکے رپورٹ سامنے لائیں گے۔