وزیراعلیٰ سندھ سید مراد علی شاہ نے کہا ہے کہ سندھ حکومت کو ڈونر ایجنسیز کی مدد چاہیے تاکہ متاثرہ افراد کا نظام زندگی بحال ہوسکیں۔

تفصیلات کے مطابق وزیراعلیٰ سندھ سید مراد علی شاہ  سے یونیسف اور ورلڈ فوڈ پروگرام کے وفد کی ملاقات ہوئی ہے۔

ملاقات کے دوران وزیراعلیٰ سندھ سید مراد علی شاہ نے کہا ہے کہ حالیہ بارشوں کے باعث ہونے والی تباہی سے 23 لاکھ افراد متاثر ہوئے ہیں جبکہ 45 ہزار سے زائد مویشی مر گئے ہیں۔

اس ضمن میں ڈبلیو ایف پی اور یونیسف کی جانب سے وزیراعلیٰ سندھ کو فوڈ سیکیورٹی اور لائیو اسٹاک کے نقصانات میں مدد کرنے کی پیشکش کی گئی ہے۔

ان کی جانب بتایا گیا ہے کہ ڈپٹی کمشنرز اور پی ڈی ایم اے مکمل اعداد و شمار یونیسف کو مہیا کرے گی۔

خیال ر ہے کہ وفد کی سربراہی کرسٹینا کر رہی ہیں جبکہ وفد میں ایاز سومرو اور ڈبلیو ایف پی کے آفتاب بھٹی  بھی شامل ہیں۔

وزیراعلیٰ سندھ کی معاونت پرنسپل سیکریٹری  ساجد جمال ابڑو، ایڈیشنل سیکریٹری فیاض جتوئی نے کی۔