سندھ حکومت نے کل سے اسکول کالجز اور جامعات کھولنے کا نوٹفکیشن جاری کردیا۔

تفصیلات کے مطابق سندھ حکومت نے کل سے اسکول کالجز اور جامعات کھولنے کا نوٹفکیشن جاری کردیا جس کے تحت تعلیمی سال 15 ستمبر2020 سے 15 مئی 2021 پر مشتمل ہوگا۔

نوٹفکیشن میں کہا گیا ہے کہ نویں سے بارہویں جماعت کے اسکول 15 ستمبر تک کھلیں گے جبکہ چھٹی سے آٹھویں جماعت کی کلاسیں 21 ستمبر سے شروع ہونگی۔

سندھ حکومت کی جانب سے جاری کردہ نوٹفکیشن میں مزید کہا گیا ہے کہ پری پرائمری اور نرسری جماعت کی کلاسیں 28 ستمبر سے شروع ہونگی جبکہ تمام اسکول ، کالجز اتتظامیہ سرکاری ایس او پیز پر عمل درآمد کی پابند ہوگی۔

یاد رہے سندھ میں مرحلہ وار تعلیمی ادارے کل سے کھلیں گے، اس حوالےسے  محکمہ تعلیم کے اہم افسر نے بول نیوز سے خصوصی گفتگو کرتے ہوئے ہوشربا انکشافات کردیے۔

مزید پڑھیں

سندھ کے ہزاروں سرکاری اسکول بنیادی سہولیات سے محروم

سندھ کے سرکاری اسکولوں سے متعلق محکمہ تعلیم کے اہم افسر نے...

تعلیمی اداروں میں سہولیات کے فقدان کے باعث کورونا وائرس سے بچاؤ کی ایس او پیز پر عمل درآمد کرانا محکمہ تعلیم کے  لیے چیلنج بن گیا ہے۔

ذرائع کا کہنا ہے صوبے کے 50 فیصد سے زائد سرکاری اسکول بجلی ، پانی اور واش روم جیسی بنیادی سہولیات سے محروم ہیں۔