اسپیکر چودھری پرویز الٰہی نے کہا ہے کہ بجلی کے بلوں میں خصوصی رعایت دی جائے گی۔

 تفصیلات کے مطابق آل پاکستان پاٹری اینڈ سرامک مینوفیکچررز ایسوسی ایشن کے وفد کی مسلم لیگی رہنما چودھری صفدر وڑائچ کی قیادت میں اسپیکر چودھری پرویز الٰہی سے اسمبلی چیمبر میں ملاقات ہوئی۔

 آل پاکستان پاٹری اینڈ سرامک مینوفیکچررز ایسوسی ایشن کے عہدیداران نے سپیکر کو اپنے مسائل سے آگاہ کیا۔

 چودھری پرویزالٰہی نے کہا کہ آل پاکستان پاٹری اینڈ سرامک مینوفیکچررز ایسوسی ایشن کے مسائل فوقیتی بنیادوں پر حل کر رہے ہیں جبکہ یہ گھریلو صنعت ہے اس کے لیے گیس اور بجلی کے بلوں میں خصوصی رعایت دی جائے گی۔

 اسپیکر چودھری پرویز الٰہی نے مزید کہا کہ گیس، واپڈا، سوشل سکیورٹی اور دیگر محکمہ جات کو اس انڈسٹری سے بھرپور تعاون کے لیے ہدایات دے دی ہیں۔

مزید پڑھیں

نیب کا صوبائی وزیر سہیل انور سیال کے گھرپر چھاپہ

صوبائی وزیرسہیل انور سیال کے گھر پر نیب ٹیم نے چھاپہ مار...

 چودھری صفدر وڑائچ نے کہا کہ چودھری صاحبان نے ہمیشہ گجرات کے مسائل ترجیحی بنیادوں پر حل کئے ہیں جبکہ پاٹری انڈسٹری کے درینہ مسائل کے حل کی بہتری کے لیے ذاتی کاوشوں پر چودھری پرویز الٰہی کے شکر گزار ہیں۔

 ملاقات میں صدر چودھری ضمن اقبال، جنرل سیکرٹری راجہ وقاص احمد، حاجی اعظم رحمانی اور آل پاکستان پاٹری اینڈ سرامک مینوفیکچررز ایسوسی ایشن کے دیگر عہدیداران نے شرکت کی۔