پاکستان مسلم لیگ (ن) کے صدر اور قائد حزب اختلاف شہبازشریف کا کہنا ہے کہ  جنگ ستمبر میں پاک فضائیہ نے قوم کا سر فخر سے بلند کیا۔

یوم فضائیہ پر پاک شاہینوں کو خراج تحسین پیش کرتے ہوئے پاکستان مسلم لیگ (ن) کے صدر اور قائد حزب اختلاف شہبازشریف کا  کہنا تھا کہ  جنگ ستمبر میں پاک فضائیہ نے قوم کا سر فخر سے بلند  کیا۔

مسلم لیگ (ن) کے صدر کا کہنا تھا کہ مکار دشمن پر ہماری فضائیہ قہر خداوندی بن کر نازل ہوئی تھی۔

شہباز شریف کا کہنا تھا کہ  ایم ایم عالم نے بھارتی فضائیہ کے پانچ لڑاکا طیارے گرا کر دنیا میں نیا ریکارڈ قائم کیا ۔  فضائیہ کی عالمی تاریخ میں ایم ایم عالم نے جوبہادری دکھائی، وہ آج بھی منفرد مثال بن کر قائم ہے۔

ان کا مزید کہنا تھا کہ 27 فروری کو بالاکوٹ پر حملے کے جواب میں ہمارے شاہینوں نے عقابی روح کا مظاہرہ کیا۔

مسلم لیگ (ن ) کے صدر کا کہنا تھا کہ  وزیراعظم نوازشریف نے فضائیہ کو طاقتور بنایا، جے ایف 17طیارہ اس امر کا واضح ثبوت ہے۔ وقت کے ساتھ ہماری فضائیہ کی صلاحیت، استعداد اور قابلیت میں بے پناہ اضافہ ہوا ہے۔

شہباز شریف نے کہا کہ  دفاع وطن کے لیے فضائیہ کو اور بھی مضبوط بنائیں گے۔

انہوں نے کہا کہ شہداءکو خراج عقیدت اور غازیوں کو خراج تحسین پیش کرتے ہیں۔ اللہ تعالی شہداءکے درجات بلند فرمائے اور لواحقین کو صبر جمیل دے۔