پاکستان مسلم لیگ (ن) کے رہنما رانا ثناء اللہ نے کہا ہے کہ شیخ رشید اپنی وزارت کی کارکردگی پر توجہ دیں۔

 تفصیلات کے مطابق  پاکستان مسلم لیگ (ن) کے رہنما رانا ثناء اللہ نے وزیر ریلوے شیخ رشید کے بیان پر ردعمل دیتے ہوئے کہا کہ  اپوزیشن کے بجائے شیخ رشید اپنی وزارت کی کارکردگی پر توجہ دیں۔

رانا ثناءاللہ نے کہا کہ  آئے روز ٹرین حادثات ہوتے ہیں جن میں اموات ہورہی ہیں۔

انہوں نے کہا کہ  جو آئینی طریقے سے آیا نہ ہو وہ آئینی مدت پوری نہیں کر سکتا۔

رہنما مسلم لیگ (ن) کا کہنا تھا کہ  شیخ رشید ہر روز بیٹھ کر ایک ہی منصوبے کے بارے میں پریس کانفرنس کرتے ہیں، ہر ہفتے اسے پھر سے دوہراتے ہیں۔

رانا ثناءاللہ نے کہا کہ دو سال میں کراچی سرکلر ریلوے کی ایک اینٹ نہیں رکھی جاسکی۔  آخر کب اس پہلے مرحلے کی اینٹ رکھی جائے گی، اس کا جواب دیں۔