وزیر مواصلات مراد سعید کا کہنا ہے کہ حکومت کی ذہانت کی پالیسیوں کی وجہ سے اب پاکستان کو دہشت گردی کی نہیں بلکہ سیاحت کے لئے تسلیم کیا جارہا ہے۔

تفصیلات کے مطابق وفاقی وزیر مواصلات مراد سعید نے اپنے ایک بیان میں کہاہے کہ  وزیر اعظم عمران خان نہ صرف اسلامی دنیا کے قائد بلکہ عالمی رہنما کے طور پر بھی سامنے آئے ہیں۔

مراد سعید کا کہنا تھا کہ مراد سعید نے کہا کہ جیسے ہی یو این جی اے میں وزیر اعظم عمران خان کی تقریر کا آغاز ہوا ، ہندوستانی نمائندوں نے فورم سے فرار کے راستے کا انتخاب کرنے کو ترجیح دی۔

مراد سعید کا کہنا تھا کہ آج دنیا ڈو مور کا مطالبہ نہیں کرتی بلکہ افغانستان میں مدد کی درخواست کرتی ہے، عمران خان کو کوئی بلیک میل نہیں کر سکتا، آج دنیا میں پاکستان، اسلام کا اصل بیانیہ سامنے آ گیا ہے۔

وفاقی وزیر نے مزید کہا کہ مسلمانوں کو آج مضبوط آواز مل گئی ہے جو اقوام عالم میں گونج رہی ہے، پورا عالم اسلام آج شکریہ عمران خان کہہ اٹھا ہے۔