موٹر وے زیادتی کیس میں ملوث ملزم عابد تاحال گرفتار نہیں ہوسکا ہے۔

تفصیلات کے مطابق لاہور موٹر وے پر پیش آنے والے واقعہ کو 12 روز گزرنے کے باوجود بھی ملزم عابد کی گرفتاری کے حوالے سے پولیس کی جانب سے کوئی اہم پیش رفت سامنے نیں آئی ہے۔

اس ضمن میں پولیس نے عوامی آگاہی کے لئے ویڈیو اور مراسلہ بھی جاری کر دیا گیا ہے جس میں بتایا گیا ہے کہ ملزم ممکنہ طورپردرباروں، مزاروں، مساجد اور امام بارگاہوں میں روپوش ہوسکتا ہے۔

مراسلہ کے مطابق ملزم کےحوالےسے ویڈیو کلپ کیبلز پر بھی نشر کرنے کی اعلان کر دیا گیا ہے جبکہ پولیس نے عابد کو رواں سال کا موسٹ وانٹڈ ملزم بھی قرار دے دیا ہے۔

دوسری جانب وزیراعلیٰ پنجاب عثمان بزدار نے اس معاملے پر آئی جی پنجاب انعام غنی کو طلب کیا تھا جبکہ آئی جی پنجاب نے تحقیقاتی کمیٹی کی کارگردگی صوبائی کابینہ اور وزیر اعلیٰ پنجاب  کے سامنے  پیش کر دی ہے۔

وزیر اعلیٰ پنجاب نے آئی جی پنجاب کو جلد از جلد ملزم کو گرفتار کرنے کی ہدایات بھی جاری کی ہیں۔