کراچی کےمختلف علاقوں گڈاپ ٹاؤن، ملیر ٹاؤن، نیو کراچی، لیاقت آباد ٹاؤن، نارتھ ناظم آباد ٹاؤن اور گردونواح کے علاقوں میں رینجرز اور پولیس کی جانب سے مشترکہ کومبنگ آپریشن کیا گیا ہے۔

اس ضمن میں سندھ رینجرز کا کہنا ہے کہ آپریشن علاقے میں موجود جرائم پیشہ افراد کو پکڑنے کے لیے کیا جا رہا ہے جبکہ آپریشن میں رینجرزموٹر سائیکل اسکواڈ اور النساء فورس بھی شریک ہوئے ہیں۔

سندھ رینجرز کا کہنا ہے کہ مخصوص گلیوں کی ناکہ بندی، گھر گھر تلاشی کا عمل جاری ہے جبکہ مشتبہ افراد کا بائیو میٹرک ویری فیکشن کے ذریعے کرمنل ریکارڈ چیکنگ کا عمل جاری ہے۔

آپریشن میں داخلی خارجی راستوں سے آنے جانے والے تمام افراد اور گاڑیوں کو چیک کیا جا رہا ہے۔