قومی اسمبلی اورسینیٹ کا اجلاس ایک ہفتے کیلئے ملتوی کرنے کا فیصلہ کر لیا گیا ہے۔

تفصیلات کے مطابق وزیراعظم عمران خان کا مشیر پارلیمانی امور ڈاکٹر بابراعوان سے رابطہ ہوا ہے۔

اس موقع پر ایف اے ٹی ایف قوانین کی منظوری سے متعلق اہم امور پر مشاورت کی گئی جبکہ قومی اسمبلی اورسینیٹ کا اجلاس ایک ہفتے کیلئے ملتوی کرنے کا فیصلہ کیا گیا۔

رابطے میں وزیراعظم عمران خان نے بابراعوان کو ہدایت دی کہ فیٹف سمیت ضروری قانون سازی کو جلد پارلیمنٹ لے جائیں۔

ذرائع کا کہنا ہے کہ قومی اسمبلی کا اجلاس اب 14ستمبرشام ساڑھے چاربجے ہوگا جبکہ سینیٹ کااجلاس 15ستمبر صبح ساڑھے دس بجے بلایا جائیگا۔

 واضح رہے اس سے قبل وزیراعظم عمران خان سے حکومتی رہنماء بابر اعوان ڈاکٹر بابر اعوان کی ملاقات ہوئی تھی۔

مزید پڑھیں

وزیراعظم سے بابراعوان کی ملاقات

وزیراعظم عمران خان سے تحریک انصاف کے رہنما بابراعوان کی ملاقات ہوئی...

ملاقات میں ملک کی سیاسی قانونی اور آئینی امور پر تبادلہ خیال کیا گیا جبکہ اپوزیشن کے آزادی مارچ سے متعلق بھی بات چیت کی گئی تھی۔

اس موقع پر حکومتی رہنماء بابراعوان کا کہنا تھا کہ ملک درست سمت میں جاتا دیکھ کر دھرنوں کی مخالفت کرنے والے بھی حمایت میں نکل پڑے۔

 بابر اعوان کا یہ بھی کہنا تھا کہ بظاہراپوزیشن کا ممکنہ احتجاج پرامن نہیں لگ رہا ہےاور جو مناظر دیکھے ان سے انتشار کی منصوبہ بندی عیاں ہو رہی ہے۔