جماعت اسلامی  نے کل ہونے والی اپوزیشن کی اے پی سی میں شرکت سے انکار کردیا۔

ترجمان جماعت اسلامی قیصر شریف کا کہنا ہے کہ  جماعت اسلامی کل کی اے پی سی میں شریک نہیں ہوگی۔بڑی جماعتوں کے کردار کی وجہ سے جماعت اسلامی اے پی سی میں شریک نہیں ہوگی۔

ترجمان جماعت اسلامی کا کہنا ہے کہ پاکستان مسلم لیگ ن اور پاکستان پیپلز پارٹی کا کردار بھی وہی ہے جو پاکستان تحریک انصاف کا ہے۔

قیصر شریف نے مزید کہا کہ  یہ تینوں جماعتیں بیرونی ایجنڈے کی تکمیل کے لیے ایک صفحے پر ہیں۔

انہوں نے کہا کہ ایف اے ٹی ایف کے لیے قانون سازی پر پیپلز پارٹی اور مسلم لیگ  ن نے حکومت کی سہولت کاری کی۔ مسلم لیگ ن اور پیپلز پارٹی نے ہر معاملے پر حکومت کا ساتھ دیا ہے۔