وزیر اطلاعات سندھ ناصر حسین شاہ نے کہا ہے کہ جنرل عاصم سیلم باجوہ (ر) کی ہم بے حد عزت کرتے ہیں۔

تفصیلات کے مطابق وزیر اطلاعات سندھ ناصر حسین شاہ کی جانب سے ریٹائڑڈ جنرل عاصم سلیم باجوہ کے حوالے سے خصوصی بات چیت کی گئی ہے جس میں انہوں نے کہا ہے کہ جنرل عاصم باجوہ بہت تجرہ کار، بہترین جنرل رہیں ہیں۔

ناصر حسین شاہ نے کہا ہے کہ جنرل عاصم سلیم باجوہ (ر) کا کردار ماضی میں بے داغ رہا  ہے کہ جب وہ پاک فوج میں اپنی خدمات انجام دیتے رہے اور آج بھی سی پیک کے لئے بھی وہ بہترین کام کر رہے ہیں۔

انہوں نے کہا ہے کہ یہ وزیر اعظم کا اختیار ہے کہ معاون برائے خصوصی برائے اطلاعات عاصم سلیم باجوہ کا استعفی قبول کریں یا نہ کریں اور اگر وزیراعظم، ریٹائیرڈ جنرل عاصم سلیم باجوہ سے مطمئن ہیں تو ہم کون ہوتے ہیں ان کو کچھ کہنے والے۔

وزیر بلدیات سندھ کا کہنا تھا کہ ہمیں عاصم سلیم باجوہ کے لئے کوئی تحفظات نہیں جنرل عاصم سیلم باجوہ (ر) کی ہم بے حد عزت کرتے ہیں۔

یاد رہے کہ معاون خصوصی لیفٹنٹ جنرل (ر) عاصم سلیم باجوہ نے وزیر اعظم عمران خان کو اپنا استعفیٰ پیش کیا جو وزیر اعظم نے قبول نہیں کیا۔

وزیر اعظم نے کہا کہ لیفٹنٹ جنرل(ر) عاصم سلیم باجوہ کی جانب سے جو ثبوت اور وضاحت پیش کی گئی ہے وہ اس سے مطمئن ہیں ۔

وزیر اعظم نے عاصم سلیم باجوہ کو بطور معاون خصوصی کام جاری رکھنے کی ہدایت کی ہے ۔

یاد رہے کہ معاون خصوصی نے گذشتہ روز  اپنے عہدے سے استعفیٰ دینے کا اعلان کیا تھا۔