معاون خصوصی عثمان ڈار نے کہا ہے کہ خواتین کی شمولیت کے بغیر کوئی بھی ملک ترقی نہیں کر سکتا ہے اسی لئے 100ارب  کے  کامیاب جوان پروگرام میں 25ارب روپے خواتین کیلئے ہیں۔

تفصیلات کے مطابق معاون خصوصی عثمان ڈار کا تقریب سے خطاب میں کہنا تھا کہ لاکھوں نوجوانوں نے وزیراعظم کی آواز پر ٹائیگر فورس میں شمولیت اختیار کی ہے۔

عثمان ڈار نے کہا ہے کہ عوام کے ٹیکس کے پیسے کی سیاسی بنیاد پر تقسیم نہیں کی جائے گی۔

انہوں نے بتایا ہے کہ کامیاب نوجوان پروگرام کے پہلے مرحلے میں 10لاکھ نوجوانوں کو روزگار ملے گا اور 10 لاکھ روپے  تک قرض نوجوانوں کو ان کی  اپنی شخصی ضمانت پر دیا جائے گا۔

انہوں نے مزید کہا کہ کورونا وباء سے پہلے 1.3 ارب روپے جوانوں میں تقسیم کیے جا چکے ہیں اور ایک ہزار کے قریب خواتین پروگرام سے مستفید ہو چکی ہیں۔