ریلوے کا انتظانیہ کی جانب سے عوام کی سہولت کے لئے نئی ٹرینیں چلانے کا فیصلہ کیا گیا ہے۔

تفصیلات کے مطابق ریلوے انتظامیہ کی جانب سے پبلک پرائیویٹ پاٹنرشپ کے تحت لاہور ۔سیالکوٹ ۔ لاہور کے درمیان لاثانی ایکسپریس جبکہ لاہور ۔نارووال ۔ لاہورکے درمیان فیض احمد فیض پسنجر ٹرین چلانے کا فیصلہ کیا گیا ہے۔

لاثانی ایکسپریس لاہور سے سہ پہر 3بجکر 45منٹ پر روانہ ہوکر شاہدرہ باغ، کالاخطائی، نارنگ منڈی، نارووال سٹاپ کرتی ہوئی شام 7 بجکر 45 منٹ پر سیالکوٹ پہنچے گی۔

  لاثانی ایکسپریس صبح سیالکوٹ سے 6 بجے روانہ ہوکرپسرور، نارووال، نارنگ منڈی، کالا خطائی سٹاپ کرتی ہوئی صبح 9 بجکر 55 منٹ پر لاہور پہنچے گی۔

فیض احمد فیض پسنجرٹرین لاہور سے شام 6 بجکر 30منٹ پر روانہ ہوکر بادامی باغ، سری رام پورہ ، رئیہ خاص سٹاپ کرتی ہوئی رات 8 بجکر 55منٹ پر نارووال پہنچے گی۔

فیض احمد فیض پسنجرٹرین نارووال سے صبح 5 بجکر 30منٹ پر روانہ ہوکر اسی روٹ سے ہوتی ہوئی صبح 7 بجکر 50منٹ پر لاہور پہنچے گی۔اس فیصلے پر فوراً عملدر آمد ہوگا۔