چیئرمین نیب  جسٹس ریٹائرڈ جاوید اقبال نے مزار قائد کے ارد گرد چائنا کٹنگ پر نیب کراچی کو تحقیقات کا حکم دے دیا۔

تفصیلات کے مطابق  چیئرمین نیب کی جانب سے مزار قائد کے ارد گرد چائنا کٹنگ پر نیب کراچی کو تحقیقات کا حکم دے دیا گیا ہے۔

جسٹس ریٹائرڈ جاوید اقبال نے کہا کہ  سندھ بلڈنگ کنٹرول اتھارٹی کے افسران کا مبینہ طور پر غلط اختیارات استعمال کرنے پر بھی تحقیقات کی جائیں۔

چیئرمین نیب نے مزار قائد کے اطراف چائنا کٹنگ اور غیر قانونی تعمیرات کی رپورٹ 7 روز میں طلب کر لی ہے۔

دوسری جانب چیئر مین نیب نے  جعلی کاروبار کے نام پر عوام کو لوٹنے کا معاملے کا بھی نوٹس  لیا۔

چیئرمین نیب نے بول نیوز کے اینکر مرید عباس سمیت دیگر افراد کو لوٹنے کی شکایت پر مبینہ ملزم عاطف زمان کے خلاف بھی نیب کراچی کو کارروائی کا حکم دے دیا ہے۔

کراچی پولیس کی طرف سے  نیب کراچی کو کارروائی کرنے کی درخواست موصول ہوئی تھی جس پر  نیب کراچی نے تحقیقات کا آغاز کر دیا ہے۔