مشیر خزانہ شہزاد اکبر نے کہا ہے کہ گجر پورہ کیس میں ایک ملزم پکڑا گیا ہے اور دوسرا ملزم بھی جلد گرفتار ہوجائیگا۔

تفصیلات کے مطابق قومی اسمبلی میں خطاب کرتے ہوئے مشیر داخلہ شہزاد اکبر نے کہا ہے کہ موٹروے پر گجر پورہ کے قریب لنک روڈ پر واقعہ پیش آیا تھا اور موقع پر تفتیش کے جو طریقے ہیں وہ اپنائے گئے ہیں۔

شہزاد اکبر نے بتایا ہے کہ اس واقعے میں دو لوگ شامل ہیں جس میں عابد ملہی مشکوک پایا گیا ہے جبکہ شفقت ولد اللہ دتہ کا ڈی این اے میچ کرگیا ہے جس کے بعد شفقت نے اعتراف جرم بھی کرلیا ہے اور اسے گرفتار بھی کرلیا گیا ہے۔

انہوں نے بتایا ہے کہ عابد ملہی کی گرفتاری کے لئے حکومت کی جانب سے پچیس لاکھ کا انعام رکھا گیا ہےعابد کی گرفتاری کے لئے چھاپے مارے جارہے ہیں وہ بھی جلد پکڑا جائیگا۔

انہوں نے کہا ہے کہ جتنی حساسیت ہم نے دکھائی ہے وہ بھی سب کو پتہ ہے کیونکہ ہم نے 72 گھنٹوں میں ایک ریپسٹ کو گرفتار کرلیا تھا اور جلد ہی دورا مشکوک ملزم بھی گرفتار کیا جائیگا۔