آرمی چیف جنرل قمر جاوید باجوہ  نے کہا ہے کہ قائد کا وژن پرامن، خوشحال پاکستان ہمارا نصب العین ہے۔

پاک فوج کےشعبہ تعلقات عامہ کے ڈائریکٹر جنرل آئی ایس اپی آر میجر جنرل بابر افتخار نے سماجی رابطے کی ویب سائٹ ٹویٹر پر اپنے ایک پیغام میں کہا کہ قوم قائد اعظم محمد علی جناح کو خراج عقیدت پیش کرتی ہے۔

Nation pays homage to the Father of the Nation, Quaid-e-Azam Muhammad Ali Jinnah. Under his leadership, #Pakistan emerged as a separate sovereign state. “Quaid’s vision of a vibrant, peaceful and prosperous Pak remains our goal. Together we shall achieve this, InshaAllah” COAS.

— DG ISPR (@OfficialDGISPR) September 11, 2020

اپنےپیغام میں ڈائریکٹر جنرل آئی ایس اپی آر میجر جنرل بابر افتخار نے کہا کہ قائد اعظم کی قیادت میں پاکستان خود مختار ریاست کے طور پر وجود میں آیا۔

ڈی جی آئی ایس اپی آر کے مطابق قائداعظم کے یوم وفات پر آرمی چیف جنرل قمر جاوید باجوہ نے اپنے بیان میں کہا کہ ابھرتا ہوا، پرامن، خوشحال پاکستان قائد کا وژن تھا۔

آرمی چیف جنرل قمر جاوید باجوہ نے مزید کہا کہ قائد کا وژن پرامن، خوشحال پاکستان ہمارا نصب العین ہے اور ہم سب مل کر یہ مقصد حاصل کریں گے،انشاءاللہ۔

یاد رہے قائد اعظم محمد علی جناح ایک عہد کا نام ہے، قائد اعظم محمد علی جناح 25 دسمبر 1876 میں پیدا ہوئے، انہوں نے ابتدائی تعلیم کا آغاز 1882 میں کیا۔

محمد علی جناح نے اپنی سیاسی سرگرمیوں کا آغاز 1906 میں انڈین نیشنل کانگریس میں شمولیت سے کیا تاہم انیس سو تیرہ میں آل انڈیا مسلم لیگ میں شمولیت اختیار کرلی، آپ نے خود مختار ہندوستان میں مسلمانوں کے سیاسی حقوق کے تحفظ کی خاطر مشہور چودہ نکات پیش کیے۔

قائد اعظم کی قیادت میں برِصغیر کے مسلمانوں نے نہ صرف برطانیہ سے آزادی حاصل کی بلکہ تقسیمِ ہند کے ذریعے پاکستان کا قیام عمل میں آیا اور آپ پاکستان کے پہلے گورنر جنرل بنے۔

قائد اعظم کی قیادت میں مسلمانوں نے الگ ملک کےلئے جدوجہد کی لیکن قیام پاکستان کے صرف ایک سال بعد وہ اس جہان فانی سے رخصت ہوگئے۔