کلبھوشن یادیو کے لیے قانونی نمائندہ مقرر کرنے کیلئے حکومتی درخواست کی سماعت کل اسلام آباد ہائیکورٹ میں ہوگی۔

تفصیلات کے مطابق بھارتی جاسوس کلبھوشن یادیو کی سزا سے متعلق عالمی عدالت انصاف کے فیصلے پر عمل درآمد کے معاملے پرقانونی نمائندہ مقرر کرنے کیلئے حکومتی درخواست کی سماعت کل اسلام آباد ہائیکورٹ میں ہوگی۔

چیف جسٹس اطہر من اللہ، جسٹس عامر فاروق اور جسٹس میاں گل حسن اورنگزیب پر مشتمل تین رکنی بینچ سماعت کرے گا۔

ذرائع کے مطابق بھارت کی طرف سے کلبھوشن کا وکیل مقرر کرنے کے حوالے سے پاکستان کو کچھ آگاہ نہیں کیا گیا، پاکستان کی طرف سے تیسری قونصلر رسائی کی پیشکش کا بھی کوئی جواب نہیں دیا گیا،قونصلر رسائی کی پیشکش کے حوالے سے بھارت کو 4 مرتبہ یاد دہانی کے خطوط بھی بھیجے گئے۔