انسداد دہشت گردی عدالت میں سانحہ بلدیہ فیکٹری کیس میں اہم پیش رفت سامے آئی ہے۔

تفصیلات کے مطابق انسداد دہشت گردی عدالت میں سانحہ بلدیہ فیکٹری کیس فریقین کے دلائل مکمل ہونے پر عدالت نے 8سال بعد ملزمان کے خلاف فیصلہ محفوظ کرلیا گیا ہے۔

انسداد دہشتگردی عدالت کی جانب سے محفوظ کردہ فیصلے میں سانحہ بلدیہ فیکٹری کیس کا فیصلہ 17 ستمبر کو سنایا جائے گا۔

خیال رہے کہ 11 ستمبر2012کو بلدیہ فیکٹری آتشزدگی کیس میں 260 افراد جل کر جاں بحق ہوگئے تھے جبکہ فیکٹری مالکان نے آتشزدگی کا ذمہ دار ایم کیو ایم کو قرار دیا تھا۔

یاد رہے کہ ملزمان کے خلاف سٹی کورٹ سے کیس انسداد دہشتگردی کی عدالت منتقل کیا گیا تھا جبکہ فروری 2017 میں ایم کیو ایم رہنما روف صدیقی، رحمان بھولا، زبیر چریا اور دیگر پر فرد جرم عائد کی گئی تھی۔