پاکستان مسلم لیگ ن کے صدر شہباز شریف ایک بار پھر گرفتار ہوگئے ہیں جس کے بعد نوازشریف بھی بڑے فیصلے کرنے کے لیے تیار ہوگئے ہیں۔

تفصیلات کے مطابق لاہور میں چھوٹے بھائی کی نیب کے ہاتھوں گرفتاری کے بعد لندن میں موجود بڑے بھائی نے بھی اپنی سرگرمیاں بڑھادیں ہیں۔

سابق وزیراعظم نوازشریف کے کئی پارٹی رہنماؤں سے رابطے بھی ہوئے ہیں جبکہ آن لائن اجلاس بھی بلالیا گیا ہے۔

اس ضمن میں ذرائع کا کہنا ہے کہ  پاکستان مسلم لیگ ن کے نائب صدر مریم نواز کو اہم ذمہ داریاں  ملنے کا امکان ہے اور ساتھ ہی فوری احتجاجی  تحریک کا آغاز کرنے پر بھی غورشروع کردیا گیا ہے۔

یاد رہے کہ اس سے قبل لندن میں موجود میاں نواز شریف کا ان کے بھائی میاں شہباز شریف کی گرفتاری پر تبصرے سے گریز کیا گیا ہے۔

صحافیوں کے شہباز شریف کی گرفتاری کے حوالے سے سوال پر نواز شریف بغیر کوئی جواب دیئے حسن نواز کے دفتر کے اندر چلے گئے، ہمہ وقت میاں نواز شریف اپنے خاندان کے کچھ افراد کے حسن نواز کے دفتر میں موجود رہیں ہیں۔

یاد رہے کہ میاں نواز شریف کی جانب سے اپنے بھائی کی گرفتاری کے حوالے سے کوئی بات چیت نہیں کی گئی ہے۔