پاکستان میں آج کورونا وائرس کے مزید 408 افراد میں مہلک وائرس کی تشخیص ہوئی جس کے بعد ملک بھر میں متاثرہ افراد کی تعداد 296951 تک پہنچ گئی ہے۔

تفصیلات کے مطابق ملک میں کورونا وائرس کے آج مزید 408 افراد میں مہلک وائرس کی تشخیص ہوئی جن میں سندھ سے 212 ، خیبرپختونخوا میں 75 ، اسلام آباد میں 17، پنجاب میں 101 جبکہ آزاد کشمیر 3 کورونا وائرس کے کیسز کی تصدیق ہوئی ہے۔

پاکستان میں کوروناوائرس سے متاثرہ مریضوں کی اعداد و شمار کے مطابق اس وقت سندھ میں 129706 ، بلوچستان میں 11823 ، خیبرپختونخوا میں 34171 ،اسلام آباد میں 15666 ، گلگت بلتستان میں 2922 ، پنجاب 97123 اور آزاد کشمیر میں 2305 مریض موجود ہے۔

یاد رہے اس سے قبل ترجمان محکمہ صحت سندھ کے جاری اعداد و شمار کے مطابق سندھ بھر میں 212 افراد میں کورونا وائرس کی تصدیق ہوئی جس کے بعد سندھ بھر میں کورونا متاثرین کی تعداد 129706 ہوگئی ہے۔

مزید پڑھیں

پاکستان میں آج مزید 450 افراد میں وائرس کی تشخیص

پاکستان میں آج کورونا وائرس کے مزید 450 افراد میں مہلک وائرس...

دوسری جانب آزاد کشمیر میں 3 افراد میں کوروناوائرس کی تصدیق ہو ئی جس کے بعد صوبے بھر میں کورونا وائرس کے کل کیسز کی تعداد 2305 ہوگئی ہے۔

اسی عرصے میں ترجمان پرائمری اینڈ سیکنڈری ہیلتھ کئیر نے بھی اپنے بیان میں کہا کہ پنجاب میں کورونا وائرس کے مزید 101 کیسز کی تصدیق ہوئی ہے جس کے بعد صوبے بھر میں مجموعی تعداد 97123 ہوگئی جبکہ خیبرپختونخوا میں 75 افراد میں کوروناوائرس کی تصدیق ہو ئی جس کے بعد صوبے بھر میں کورونا وائرس کے کل کیسز کی تعداد 34171 ہوگئی ہے۔