سینیٹ کے انتخابات اوپن کرنے کے لئے حکومت کی جانب سے آئینی ترمیم تیار کرلی گئی ہے۔

تفصیلات کے مطابق سینیٹ کے انتخابات اوپن کرنے کی ترمیم کردی گئی ہے جس کے بعد دہری شہریت کے حامل افراد بھی انتخابات میں حصہ لینے کے اہل ہونگے۔

حکومتی ترمیم کے بعد پارلیمنٹ کے کسی بھی ایوان کا رکن منتخب ہونے کے بعد پہلے اجلاس سے ساٹھ دن میں حلف اٹھانا لازمی ہوگا، ساٹھ دن میں حلف نہ اٹھانے کی صورت میں رکنیت ختم ہو جائے گی اور رکنیت کا حلف لینے سے قبل شہریت چھوڑنے کا سرٹیفیکیٹ جمع کرانا ہوگا۔

سینٹ الیکشن میں اوپن ووٹنگ کے لئے آئینی ترامیم منگل کو کابینہ کے اجلاس میں منظوری کے لئے پیش کی جائیگی۔

سینیٹ کے انتخابات اوپن ووٹ سے کرنے کے لئے آئین کے آرٹیکل 59 اور226 میں ترمیم تجویز پیش کی گئی ہے جبکہ آئین کے آرٹیکل  226میں وزیراعظم اور وزیراعلی کے انتخابات کے سات سینٹ انتخابات کا لفظ بھی شامل کرنے کی بھی تجویز ہے۔