ایشیائی ترقیاتی بینک نے پیش گوئی کی ہے کہ آئندہ سال جون تک پاکستان کی معاشی ترقی کی شرح منفی صفر اعشاریہ چار فیصد سے بہتر ہوکر 2 فیصد مثبت ہوجائے گی۔

ایشیائی ترقیاتی بینک کی جاری رپورٹ میں کہا گیا ہے کہ حکومت پاکستان نے کورونا وباء سے متاثر معاشی سرگرمیوں کے فروغ کے لیے 1240 ارب روپے کا ریلیف پیکج دیا جس کے بعد حکومتی پیکج سے معاشی سرگرمیوں میں بہتری کی توقع ہے۔

رپورٹ کے مطابق 2021 کے دوران پاکستان میں مہنگائی 7.5 فیصد تک رہنے کا امکان ہے۔

ٹڈی دل کے حملوں کے باوجود زرعی شعبے کی پیداوار 2.7 فیصد رہی جبکہ درآمدات میں کمی کے باعث پاکستان کا کرنٹ اکاونٹ خسارہ بھی کم ہوا ہے۔