وزیراعلیٰ بلوچستان جام کمال خان سے بی ایم سی کے طلباء ، ملازمین اور ڈاکٹرز کے مشترکہ وفد کی ملاقات ہوئی جس میں بی ایم سی بحالی تحریک نے بھوک ہڑتال ختم کرنے کا اعلان کیا۔

 ملاقات میں فیصلہ کیا گیا کہ بی ایم سی بحالی تحریک کے نمائیندے سیکریٹری صحت اور سیکریٹری خزانہ کو ترامیم کے لیۓ اپنی تجاویز پیش کریں گے۔

وزیراعلیٰ بلوچستان نے کہا کہ بولان یونیورسٹی آف میڈیکل سائینسز کا ترمیمی بل کابینہ کے 9 ستمبر کے اجلاس میں پیش کیا جائے گا اور ایکٹ میں پائے جانے والے ابہام کو دور کریں گے۔

جام کمال خان نے یہ بھی کہا کہ بی یو ایم ایس کی سینیٹ کے اجلاس کے فیصلے کے مطابق بی ایم سی اور کالج کے پرنسپل کے اختیارات بحال کر دیۓ جائیں گے جبکہ کالج کے ملازمین کا دوبارہ سے کالج کے تحت ہونے کا نوٹیفیکشن جاری کر دیا جائے گا۔

وزیراعلیٰ بلوچستان جام کمال خان نے مزید کہا کہ بی ایم سی بحالی تحریک کے تحت دھرنا اور ہڑتال ہو یا نہ ہو حکومت ترمیمی بل کے ذریعہ یہ مسئلہ حل کرے گی۔

مزید پڑھیں

بلوچستان میں پولیو کا نیا کیس سامنے آگیا

پاکستان میں پولیو بے قابو، صو بہ بلوچستان میں پولیو کا نیا...

واضح رہے کہ اس سے قبل سی ای او کیسکو نے زرعی ٹیوب ویلوں کی بجلی کی بحالی اور چھ گھنٹہ بجلی کی فراہمی جبکہ زمیندارایکشن کمیٹی نے احتجاج ختم کرنے کا اعلان کیا تھا۔

وزیراعلیٰ بلوچستان نے کہا تھا کہ کمیٹی زرعی ٹیوب ویلوں کے ذمہ کیسکو واجبات، بجلی کے میٹروں کی تنصیب، زرعی ٹیوب ویلوں کی سولرائزیشن سمیت دیگر متعلقہ امور پر سفارشات تیار کرے گی۔

جام کمال نے یہ بھی کہا تھا کہ بلوچستان میں بجلی کا مسئلہ حساس اور سنجیدہ ہے جسے اسلام آباد میں بیٹھ کر نہیں سمجھا جاسکتا جبکہ زمینداروں اور کیسکو کے درمیان اعتماد کی بحالی سے مسائل کے حل میں مدد ملے گی۔