وزیر خارجہ شاہ محمود قریشی نے کہا ہے کہ پاکستانی کمیونٹی کے حقوق کا تحفظ اور ان کے مسائل کا ترجیحی بنیادوں پر حل ہماری حکومت کی اولین ترجیحات میں شامل ہے۔

تفصیلات کے مطابق آسٹریا کیلئے نامزد پاکستانی سفیر آفتاب کھوکھر کی وزارت خارجہ میں وزیر خارجہ مخدوم شاہ محمود قریشی سے ملاقات ہوئی ہے۔

 ملاقات کے دوران وزیر خارجہ کا آفتاب کھوکھر کو مخاطب کرتے ہوئے کہنا تھا کہ یہ نئ ذمہ داری ، آپ کے شاندار سروس ریکارڈ کو پیش نظر رکھتے ہوئے سونپی گئی ہے۔

انہوں نے کہا ہے کہ ایسے وقت میں بطور سفیر اپنی ذمہ داریاں سنبھالنے جا رہے ہیں جب پاکستان کو داخلی اور خارجی طور پر بہت سے چیلنجز کا سامنا ہے۔

وزیر خارجہ نے نئے نامزد سفیر کو حکومت کی خارجہ پالیسی ترجیحات کے حوالے سے خصوصی ہدایات دیں جبکہ بطور سفیر نامزدگی پر آفتاب کھوکھر کو مبارکباد بھی دی گئی ہے۔