کرپشن کرنے کی شکایات موصول ہونے پر ایس بی سی اے کے تین افسران کو معطل کردیا گیا ہے۔

تفصیلات کے مطابق وزیر بلدیات سندھ ناصر حسین شاہ نے کرپشن کی شکایات ملنے پر ایس بی سی اے کے تین افسران کو معطل کر دیا ہے۔

تینوں افسران کی معطلی کا نوٹیفکیشن ڈی جی ایس بی سی اے نے جاری کر دیا ہے۔

نوٹیفکیشن کے مطابق تینوں افسران کی کرپشن میں ملوث ہونے کی شکایت وزیر بلدیات کے آفس میں موصول ہوئی تھیں جبکہ معطل افسران میں اسسٹنٹ ڈائریکٹر ندیم سرور شیخ، اسسٹنٹ ڈائریکٹر رفیع رضا اور بلڈنگ انسپکٹر شہزاد آرائیں شامل ہیں۔

نوٹیفکیشن میں بتایا گیا ہے کہ افسران کے خلاف ایک تحقیقاتی کمیٹی بھی قائم کر دی گئی ہے۔

تین رکنی تحقیقاتی کمیٹی کے سربراہ سامت علی خان ہونگے جبکہ ڈائریکٹرز فرحان قیصر اور مشتاق سومرو کمیٹی کے ممبرز ہونگے اور کمیٹی خاص ٹرم آف ریفرنس کے مطابق کام کرے گی۔

کمیٹی مبینہ کرپشن کے الزام میں ملوث افسران کو شو کاز نوٹسز جاری کرے گی اور انکوائری کمیٹی 15 دن کے اندر تحقیقات مکمل کر کے رپورٹ ڈی جی ایس بی سی اے کو جمع کرائی گی۔