الیکشن کمیشن آف پاکستان کی جانب سے الیکشن کمیشن سندھ میں تقرر اور تبادلے کئے گئے ہیں۔

تفصیلات کے مطابق الیکشن کمیشن کمشنر سندھ جاوید آفریدی کو عہدے سے ہٹاتے ہوئے الیکشن کمیشن آف پاکستان سیکریٹریٹ تعینات کرنے کی ہدایت کردی گئی ہے۔

الیکشن کمیشن آف پاکستان کی جانب سے الیکشن کمیشن کمشنر سندھ جاوید آفریدی کی جگہ اعجاز انور چوہان نئے الیکشن کمشنر سندھ تعینات کئے گئے ہیں۔

یاد رہے کہ اعجاز انور چوہان ایڈیشنل ڈائریکٹر جنرل لوکل گورنمنٹ تھے۔

علاوہ ازیں جوائنٹ الیکشن سندھ محمد فرید آفریدی کو بھی عہدے سے ہٹا دیا گیا ہے جبکہ محمد فرید آفریدی کو بھی اسلام آباد سیکریٹریٹ رپورٹ کرنے کی ہدایت کردی گئی ہے۔

دوسری جانب ضلعی الیکشن کمشنر جام شورو کو سجاول اور سجاول کے الیکشن کمشنر کو جام شورو تعینات کردیا گیا ہے۔