کراچی میں ضلعی انتظامیہ حرکت میں آگئی ہے جس کے بعد تجاوزات کیخلاف آپریشن کا آغاز کرنے کا فیصلہ کرلیا گیا ہے۔

تفصیلات کے مطابق کراچی کی ضلعی انتظامیہ نے گجر نالہ کے اطراف  سے تجاوزات کے فوری خاتمے کا فیصلہ کرتے ہوئے نیو کراچی نالہ اسٹاپ  سے لے کر پیالہ ہوٹل تک کے تجاوزات  کا خاتمے کا اعلان کردیا ہے۔

تجاوزات کیخلاف آپریشن آج صبح 7 بجے  شروع ہوگا جس کے مطابق پہلے مرحلے میں گجر نالے کے اطراف قائم چھپرے، تھڑے اور دکانیں گرائی جائیں گی۔

ضلعی انتظامیہ کے مطابق مکانات اور پکی دکانیں  متبادل بندوبست کے بعد گرائی جائیں گی جبکہ انتظامیہ کی جانب سے واضح کردیاگیا ہے کہ تجاوزات کے خلاف میں رکاوٹ بننے والوں سے سختی سےنمٹا جائے گا۔

دوسری جانب ڈی سی سینٹرل کی ہدایت پر  مساجد سے اعلانات کئے جارہے ہیں۔

اعلان میں کہا گیا ہے کہ نالے کے دونوں جانب دکانیں مکانات خالی کردئیے جائیں کیونکہ مکانات خالی نہ کرنے کی صورت میں نقصان کا ذمہ شہریوں پر ہوگا۔