ڈی جی آئی ایس پی آر  کا کہنا ہے کہ عالمی امن  کے لیے پاکستان کے 158 پیس کیپرز نے جان کی قربانی  پیش کی ہے۔

پاک فوج شعبہ تعلقات عامہ (آئی ایس پی آر) کی جانب سے اقوام متحدہ کی 75 ویں یوم تاسیس پر نیک خواہشات کا اظہار  کیا گیا ہے۔

آئی ایس پی آر کی جانب سے جاری پیغام میں کہا گیا کہ  افواج پاکستان کی اقوام متحدہ کے ساتھ امن کے حوالے سے خدمات سر انجام دینے کی ایک نمایاں اور طویل تاریخ ہے۔

پاکستان نے30ستمبر1947ء کو اقوام متحدہ کے امن مشن میں شمولیت اختیار کی۔ یہ ایک نامور دور کا آغاز تھا جس کی تاریخ بے مثال ہے۔

پاکستان کا اقوام متحدہ کے امن مشن کا آغاز1960ء میں ہوا جب پاکستان نے کانگو میں اقوام متحدہ کے آپریشنز میں اپنا پہلا دستہ تعینات کیا۔

Pakistan Armed Forces extend best wishes to @UN on its 75th anniversary. Pakistan has contributed over 200,000 troops in 46 UN Missions in 28 countries. 158 Pakistani Peace Keepers sacrificed their lives for global peace. #UNDay#UN75thAnniversary pic.twitter.com/G5rVhwEa6F

— DG ISPR (@OfficialDGISPR) October 24, 2020

پاکستان نے دُنیا بھر کے تقریباََ 28ممالک میں 2لاکھ سے زائدا فواج کے ہمراہ 46مشترکہ مشنزمیں حصہ لیا۔اقوام متحدہ کے امن مِشنز میں 158جوانوں بشمول 24افسران نے اپنی جانوں کا نذرانہ پیش کیا۔

اس سال نائیک محمد نعیم رضا شہید کو اَقوامِ مُتحدّہ کا خصوصی میڈل عَطاء کیا گیا ہے۔

پاکستان اقوامِ متحدہ کے حوالے سے بہترین خدمات سر انجام دے رہا ہے۔ متعدد عالمی رہنماؤں اور اقوام متحدہ کی قیادت نے عالمی سطح پر پاکستان کی پُر امن فوج کی کارکردگی کو بڑے پیمانے پر تسلیم کیا ہے۔

پاکستانی خواتین بھی اقوام متحدہ امن مشن کانگو میں امن کے لیے سر گرم عمل ہیں۔

امریکی نائب معاون وزیر خارجہ بھی پاکستانی خواتین سے متاثر ہوئے بغیر نہ رہ سکے۔ ایلس ویلز نے پاکستانی خواتین کے امن کردار کو سراہا۔ پاکستانی خواتین کا کردار نہایت متاثر کن، امن کے  لیے خدمات کلیدی ہیں۔

اقوامِ متحدہ چھتری تلے تاحال83پاکستانی خواتین امن مشن کا حصہ ہیں۔

پاکستان 19جون2019میں کانگو میں خواتین دستے تعینات کرنے والا پہلا ملک ہے۔