سینیٹ کی قائمہ کمیٹی برائے داخلہ نے بول نیوز کے صدر نبیل جکھورا کے اغواکا نوٹس لے لیا۔

تفصیلات کے مطابق سینیٹ کی قائمہ کمیٹی برائے داخلہ نے بول نیوز کے صدر نبیل جکھورا کے اغواکا نوٹس  لیتے ہوئے  وزارت داخلہ سے 24 گھنٹوں میں رپورٹ طلب کرلی ہے۔

چیئرمین قائمہ کمیٹی برائے داخلہ رحمان ملک کا کہنا ہے کہ بول نیوز کے صدر کے اغواپر افسوس ہوا۔

رحمان ملک نے کہا کہ صحافی ہماری قوم کا سرمایہ ہیں، سیکرٹری داخلہ سے کل تک اغوا سے متعلق رپورٹ طلب کرلی ہے۔

مزید پڑھیں

بول نیٹ ورک کے صدر نبیل جکھورا اورمعاون نائب صدر شبیہ الحسن اغوا

کراچی میں  بول نیٹ ورک کے صدر نبیل جکھورا اورمعاون نائب صدر...

انہوں نے کہا کہ سندھ حکومت کو ابھی تک اس پر ایکٹو ہونا چاہئے تھا۔دیگر اداروں کو بھی ایکشن لینا چاہئے۔

واضح رہے کہ بول نیوز کے صدر  نبیل جکھورا  کو بول نیوز کے معاون  نائب صدر شبیہ الحسن  کے ہمراہ رات گئے آفس سے گھر واپس جاتے ہوئے گلشن اقبال سے نامعلوم افراد نے اغواکیا۔

ان کی گاڑی صبح سویرے سہراب گوٹھ سے ملی ۔ گاڑی لاک تھی  اور تمام سامان بھی گاڑی میں ہی موجودتھا۔

اطلاعات کے مطابق نبیل جکھورا اورشبیہ الحسن کو بیت المکرم کے قریب سے اغوا کیا گیا ہے۔

نبیل جکھورا کے موبائل کی آخری لوکیشن اسکیم 33 ٹریس ہوئی ہے ۔