برٹش ائیر ویز کی جانب سے پاکستان کیلئے براہ راست پروازوں کا آغاز کردیا گیا ہے۔

تفصیلات کے مطابق برٹش ائیر ویز کو پاکستان کیلئے ہفتے میں چار پروازیں چلانے کی اجازت دی گئی ہے جبکہ برٹش ائیر ویز کی پہلی پرواز لندن سے صبح پاکستان پہنچے گی۔

کل اڑان بھرنے والی پہلی پرواز یہ فلائٹ کل دن گیارہ بجے لندن کیلئے واپس روانہ ہوگی۔

یاد رہے کہ پرواز کی آمد پر لاہور ائیرپورٹ کے وی آئی پی لاونج میں کیک کٹنگ تقریب بھی منعقد کی جائیگی جبکہ ائیر پورٹ پر ائیر پورٹ کے مینجر اور دیگر عملہ مسافروں اور برٹش ائیر لائن کے کیبن کرو کا استقبال کرے گا۔

پرواز بی اے 259 میں 214 مسافر لاہور پہنچیں گے جبکہ پرواز میں برٹش ائیرویز کے عملے کے بائیس ارکان بھی شامل ہیں۔