چیف جسٹس پاکستان جسٹس گلزار احمد نے کہا ہے کہ امن و امان سے متعلق جن کو قابو کر رہے ہیں اور امن امان کی خراب صورتحال صرف بلوچستان میں نہیں بلکہ پورے پاکستان میں ہے۔

تفصیلات کے مطابق بلوچستان بار کی طرف سے اپنے اعزاز میں دئیے گئے عشائیہ کی تقریب سے چیف جسٹس پاکستان نے خطاب میں کہا ہے کہ ہم بلوچستان کو ایڈیشنل اٹارنی جنرل دیں گے۔

انہوں نے کہا ہے کہ کچھ سیاسی مسائل ہوتے ہیں جن سے کورٹ کا تعلق نہیں ہوتا ہے کیونکہ عدلیہ کو اپنے دائرے میں رہے کر کام کرنا ہوتا ہے۔

انہوں نے بتایا کہ آج مسنگ پرسنز کے کیس میں جو سلوک پولیس والوں کے ساتھ کیا ہے اُس کا نتیجہ نکلے گا اور اسضمن میں فیڈرل جوڈیشری کو کہا ہے کہ کسی بھی صوبے سے ریکوسٹ آئے اُس پر عمل کیا جائے۔

جسٹس گلزار کا کہنا تھا کہ بلوچستان کے لوگ مجھے بہت عزیز ہیں کیونکہ کوئٹہ اپنے گھر جیسا لگتا ہے۔