کوئٹہ: مستونگ کے علاقے دشت میں سی ٹی ڈی اور حساس اداروں کی جانب سے آپریشن  کیا گیا ہے جس میں 4 دہشتگرد ہلاک کردیئے گئے ہیں۔

تفصیلات کے مطابق مستونگ کے علاقے دشت میں سی ٹی ڈی اور حساس اداروں کا آپریشن کیا گیا ہے جبکہ آپریشن دہشتگردوں کی موجودگی کی اطلاع پر کیا گیا جس میں مبینہ دہشتگردوں اور فورسز کے درمیان فائرنگ کا تبادلہ بھی ہوا ہے۔

اس ضمن میں حکام کا کہنا ہے کہ دشت میں فائرنگ کے بعد مزید نفری طلب کرکے دشت اور اطراف میں فورسز نے علاقہ کو گھیرے میں لے لیا ہے۔

سی ٹی ڈی اہلکاروں اور دہشت گردوں کے مابین فائرنگ بعد چار دہشت گرد مادے گئے جبکہ دہشتگردوں کے مکان سے خودکش جیکٹیں،اسلحہ،دھماکہ خیز مواد، کیمرا کارڈز اور بارودی برآمد ہوئے ہیں۔

ذرائع کا کہنا ہے کہ سی ٹی ڈی کی کاروائی میں مارے جانیوالے ایک دہشتگرد کی شناخت عبدالکریم کے نام سے ہوئی جبکہ دہشتگردوں کا تعلق کالعدم لشکر جھنگوی سے تھا اور مارے جانیوالے دہشتگرد عبدالکریم نے لشکر جھنگوی سیف اللہ گروپ کی بنیاد رکھی  تھی، مارے جانیوالے دہشتگرد کے سر کی قیمت 20 لاکھ رکھی گئی۔