پاکستان ڈیموکریٹک موومنٹ کی جانب سے 16 اکتوبر سے احتجاجی تحریک کا آغاز کردیا جائیگا۔

تفصیلات کے مطابق کہ 16 اکتوبر سے احتجاجی تحریک کے آغاز سے پہلا جلسہ گوجرانولہ جبکہ 18 اکتوبر کو کراچی میں جلسہ ہوگا۔

بعدازاں کوئٹہ میں 25 اکتوبر کو عظیم الشان جلسہ ہوگا اس کے بعد 22 نومبر کو پشاور میں جبکہ 30 نومبر کو ملتان میں جلسہ ہوگا تاہم 13 دسمبر کو سب سے بڑا جلسہ لاہور میں ہوگا۔

یاد رہے کہ پاکستان ڈیموکریٹک موومنٹ کی سٹیئرنگ کمیٹی کا اجلاس مسلم لیگ(ن) سیکرٹریٹ میں احسن اقبال کی زیر صدارت منعقد ہوا۔

اجلاس کے بعد میڈیا سے گفتگو میں مسلم لیگ (ن) کے رہنماءاحسن اقبال کا کہنا تھا کہ اتفاق رائے سے پی ڈی ایم کے سینئر نائب صدر راجا پرویز اشرف جبکہ سیکرٹری جنرل شاہد خاقان عباسی ہونگے، سیکرٹری اطلاعات میاں افتخار ہونگے۔