وفاقی وزیر مذہبی امور نورالحق قادری نے گستاخانہ خاکوں کے معاملے پر عیسائیوں کے روحانی پیشوا پوپ فرانسس اور شیخ جامعۃ الازہر  سے رابطہ کرنے کا اعلان کیا ہے۔

تفصیلات کے مطقابق وفاقی مذہبی امور نورالحق قادری نے میڈیا سے گفتگو کرتے ہوئے کہا کہ وہ گستاخانہ خاکوں کو شائع کرنے والوں کے خلاف قانونی چارہ جوئی کے لیے شیخ جامع الازہر سے رابطہ کریں گے۔

انہوں نے کہا ہے کہ وزیراعظم اپنے ہم مناصب کو اس معاملے پر متفقہ لائحہ عمل کے لیے خط لکھیں گے اور بین الاقوامی سربراہوں سے اس مسئلہ پربات کی جائے گی۔

ان کا کہنا تھا کہ اظہار شکر کے ساتھ قوم کو بتانا چاہتا ہوں کہ آئندہ جمعہ سے اگلے جمعہ تک ہفتہ عشق رسول کے عنوان سے منانے کا کابینہ نے فیصلہ کیا ہے اور اس کے لئے وفاقی و صوبائی حکومتوں کو ہدایات جاری کردی گئی ہیں۔

نور الحق قادری نے کہا ہے کہسیرت طیبہ کو اجاگر کرنے کے لئے حکومت پوری کوشش کرے گی جبکہ ہفتہ عشق رسول بنانے کا مقصد فرانس اور دیگر ممالک میں ہوئی توہین رسالت پر ردعمل دینا ہے۔

انہوں نے بتایا ہے کہ تعلیمی اداروں میں تقریری مقابلے سوالات اور سیمینار کئے جائیں گے