سعودی عرب کے پاکستان میں سفیر جناب نواف بن سعید المالکی  نے چیف آف دی نیول اسٹاف ایڈمرل محمد امجد خان نیازی سے ملاقات کی ہے۔

ترجمان پاک بحریہ کے مطابق  سعودی عرب کے پاکستان میں سفیر جناب نواف بن سعید المالکی  نے نیول ہیڈ کوارٹرز اسلام آباد کا دورہ کیا۔

سعودی سفیر  نے چیف آف دی نیول اسٹاف ایڈمرل محمد امجد خان نیازی سے ملاقات  کی  جس میں باہمی دلچسپی کے امور پر تبادلہ خیال کیا گیا۔

نیول چیف اور معزز مہمان نے خطے کی سیکیورٹی صورتحال اور دوطرفہ بحری تعاون پر  بھی بات چیت کی۔

معزز مہمان نے امیرالبحر کو پاک بحریہ کی کمان سنبھالنے پر مبارکباد پیش کی اور ان کے لیے نیک خواہشات کا اظہار کیا۔