آج وزیراعلیٰ سندھ سید مراد علی شاہ کی جانب سے سندھ کابینہ کا اجلاس بلالیا گیا ہے جس میں اہم فیصلے ہونے کے واضح امکانات ہیں۔

تفصیلات کے مطابق وزیراعلی سندھ مراد علی شاہ کی صدارت سندھ کابینہ کا اجلاس آج ہوگا جس میں سیزن کے لیے گندم کی امدادی قیمت کا جائزہ لے گی جبکہاجلاس میں کورونا سے متعلق این سی او سی کے نئے فیصلوں پر بھی غور ہوگا۔

اس ضمن میں ذرائع کا کہنا ہے کہ محکمہ خوراک گندم کے اعداد و شمار پیش کرے گا، محکمہ زراعت امدادی قیمت سے متعلق سفارش پیش کرے گا۔

ذرائع کا کہنا ہے کہ کابینہ موٹرٹرانسپورٹ کی فٹنیس اور روٹ پرمٹ فیسوں میں 50 فیس رعایت دینے کی منظوری دے گی جبکہ نارکوٹکس کنٹرول سمیت سندھ پروکیورمنٹ اتھارٹی کے قوانین کا معاملہ ایجنڈے میں شامل کیا گیا ہے۔

سندھ کانیہ کے اجلاس میں کراچی میں ججوں کے ریسٹ ہائوس کے لیے 2 ایکڑ زمین کی منظوری کے معاملے پر بھی کابینہ غور کرے گی جبکہصوبے میں کوآپریٹو سوسائٹیز کے موجودہ قانون میں ترمیم کرنے کا معاملہ بھی کابینہ اجلاس کے ایجنڈے میں شامل ہے۔